بنگلورو، 5 ؍ اپریل (ایس او نیوز) اشیائے ضروری ، پٹرول ، ڈیزل اور بجلی مہینگے ہونے کے بعد اب عام لوگوں کو ایک اور جھٹکا لگے گا۔ اب ہوٹلوں کی غذا کی قیمتوں میں بھی 10 فیصد کا اضافہ ہونے کا امکان ہے۔ رسوئی گیس اور اشیائے ضروری مہنگی ہونے کی وجہ سے ہوٹل مالکان اپنی قیمتوں میں اضافہ کرنے پر غور کررہے ہیں۔ اس سلسلہ میں آج ہوٹل مالکان اسو سی ایشن کا ایک اجلاس بھی منعقد ہوا۔ 

اس اجلاس میں موجود قیمتوں 10 فیصد اضافہ کرنے پر غور کیا گیا ہے۔اجلاس میں تمام ہوٹلوں کے مالکان کی رائے طلب کی گئی ہے۔ اگر ہوٹل مالکان کی اکثریت اضافہ کے لئے راضی ہوگئی تو ماہ اپریل کے دوسرے ہفتہ سے کھانے کی قیمتوں میں 10 فیصد کا اضافہ ممکن ہے۔